OUR STORY
كان في شي ناقص…
مو مكان، ولا بلد، ولا تفاصيل حياة جديدة…
ريحة الأكل الحلبي. صوت المطبخ. لمّة البيت. ودفا أمّنا لما تعمل الاكل بكل حب
نحن أربع أخوات
كبر الحنين معنا، وكبرت معه رغبتنا نرجّع هالروح لقلوب الناس هون بالإمارات.
مو بس أكلات… لا.
ذكريات… ونكهة… وحكاية
الشيف نور” قلب المطبخ وروحو.
وكل طبق بتشوفوه، ما طلع من وصفة مكتوبة…
طلع من حكاية، من تجربة، من ضحكة… ومن شوق كبير لحلب
ومن هون ولد شهبادار.
مو مشروع… بل امتداد لبيت.
مكان بيحمل روح المطبخ الحلبي، ودفا البيوت القديمة، والطاولة اللي ما كانت تفضى من الناس
شهبادار مو مطعم…
شهبادار بيت.
بيت بيستقبل كل واحد بيدخل عليه وكأنو ضيف عنا.
بيت بيرجعك لأيام الجمعة، ولصينية الفطور، وللشباك المفتوح وريحة الطبخ طالعة منه.
إذا كنت زائر جديد… أهلاً وسهلاً فيك ببيتنا.
وإذا كنت واحد من أهلنا… نحنا اشتقنالك ❤
MEET THE CHEF
شيف نور
هي القلب النابض لمطبخ شهبادار، والعقل المبدع خلف كل طبق بيترك بصمة ما بتنتسى.
ورغم إنو وصفها كشيف مبدعة ما بيكفي، إلا إنّو يلي بيميزها فعلًا هو النَفَس.. النَفَس اللي بيحمل طيبة البيت، وتراث حلب، وجرأة التجديد بنفس الوقت.
الطبخ عندها مو “مهنة”…
هو شغف، إحساس، ولمسة بتخلي كل طبق يروي قصة.
نور عندها قدرة نادرة تجمع بين الدقة الكلاسيكية للمطبخ الحلبي وبين روح الابتكار الحديثة..
الناس بتقول:
“في شي بالأكل تبع نور… ما فيك تشرحه.”
وهاد تمامًا سرّها.
لأن نَفَس نور مو بس مهارة…
هو إحساس صادق، وحب كبير، وتفاصيل بتنحط بالمعلقة قبل ما تنحط بقدر.
وبكل بساطة…
الشيف نور ما بس بتطبخ.
الشيف نور بتبتكر.
وبتخلي الأكل يحكي